Altied waor ós connectie 'de meziek'. In de jong jaore waor Peter al flink bedreeve in 't boewe van muziekinstallaties. Veur mich, dae net in de leer waor mit gitaar waor dit ein welkome item. Peter klommelend aan ziene versjterker (mit behulp van o.a. ziene buurman Henk) en ziene braor Jos jengelend op zien witte electrische gitaar. Mit deze input hauwe ver metein eine bandj veur ut laeve. In eerste instantie sjleipde ver de apparatuur nao lokaties bie luuj toes om hun verjaordaagsfeeskes op te vleure mit meziek. Maar daonao zochte ver toch ein oetbreiding om meer publiek aan te kenne sjpreake. Veer waore van meining dat in Lömmerich get meer moosj komme veur de jeugd. Loupend langs de deure om handjteikeninge op te haole hauwe ver inens ein klupke opgerich. "Jeugdsociëteit 't Vaetje" waor ein feit. Genog leeje in de club om in 't voormalig scouting-geboew disco-aovende, film-aovende, pop-aovende, en gangk zo maar door te organisaere. Jedere vriedigaovend waor 't tied. Op de foto is de eesjte kaft van os eesjte clubblaedje te zeen. De meziekconnectie rolde wiejer. Amateurband Steppin Stone en later Southern Harvest woort 'nne nuuje rooije draod. Ich weit zelfs nog dat ver bie Rob van Claessens in ein kraakpand in Zitterd hubbe gesjpeeld. Peter en ich zörgde mit veur 't randjgebeure van dees band. Veur mich auch de eesjte ervaring mit politie die Peter aansjpraoke op 't feit dat hae nao dae aovend in die (hik) conditie neet meer weijer mocht fitse. Veer zeen toen maar mit de fits in de handj nao hoes geloupe. Later sjteunde Peter mit Digi-sound de groep Season wo ich lid van waor. Op carnavalsmaondig hauw hae vrijwillig get showlampe opgehange vanoet zien bedrief. en ich waor nao dat optreaje hartsjtikke verbrend in mien gezich, want de lampe hinge toen te leeg en zörgde veur eine rooije kop. Op grote evenemente koosjte ver altied op Peter mit zien digi-sound bedrief reakene. Auch bie Kartoesj hubbe ver van Peter es geluidsman veul plezaer en sjteun beleaf. Optreaje nao optreaje sjtong hae paraat. Meziek es connectie. Al mit al genog denger mitgemaak, genog om euver te kalle, genog om euver trök te denke . Leuke herinneringe om nooit te vergaete.
Nicole, Bart en Jelle, veul sjterkte gewunsjt veur de komende tied, veer gaon hum misse. PeeWee ut geit dich good daobaove
En auch zo wie Kartoesj in ein leedje 't letste coupletje zingkt;
nootsj geit emes gans, örges get van dich blif hie
’t haet 'n plaetsjke apart, deep in mien hart

Deze foto is van lang geleden, toen we nog overburen waren! Het is onwerkelijk dat jij er niet meer bent, zo jong nog!
We wensen Nicole, Bart en Jelle heel veel sterkte om dit grote verlies te dragen!
Rob & Irma Lommen

Konden we nog maar eens terug naar deze tijd.
Op deze foto uit 1995 zie je Peter samen met de mannen van Private Justice. Peter was jarenlang onze vaste geluidstechnicus.
Helaas is Peter er niet meer.
Rust zacht.
Heel veel sterkte Nicole,Bart, Jelle, familie en vrienden.

In gedachten zijn we bij jullie.
Jeroen, Nanda, Puk & Prim