Vier sjrieve ee joar in d'r vurrige ieëw vier wonde toen tege uever d'r Ricardo 't restaurant woa de luuij oet Heële zich toen wiste te treffe. In ins ging 't geruch dat inne jonge jong mit ziene vrunk 't testaurant houw uevergenoame. Vlót kinnes gemak mit d'r Henk Dirx en d'r Jos Frijns. 't Restaurant kreeg inne angere naam en ing angere oetsjtroaling; I gen Thun woar geboare. I Gen Thun , ing aafkotting va de Weltertuijnstraat en dat gaof metee aa dat ze zich i Welte heem volde. Aan die twieje jong ongenummers hant v'r fantastiesje buure gekrieëge en vuur Welte ing geweldige culinaire aavulling. D'r Henk es Patron kreatief tot in zieng hoarvaate wis ummer get angesj te bedinke. Bekint woare zieng forelle soep en de makrons en och zieng passie vuur sjun wieëne, woate zelluf och genoch vaan in d'r gilles sjot. Mé wat mich 't miejste bei sjteet woar ziene passie vuur ee Beëks Elske, doa sjloag hé gee glaas va uever. Later oapende hé "neëve gen thün" inne gouwe greep. Doa tröf zich op vriedig noamiddig en oavend de Heëlesje ongernummers vrung. Inne betere entertainer es d'r Henk goaf 't neet, hé verzurgde en adviseerde d'r drank en 't eëte. Nieks woar hem teveul, inne gastheer deij aasjloat aa gieker dusj en hé houw unmmer ee verhoal.
D'r Henk is neët mieje. Hé hat aafsjied genoame op de maneer zoeë wiete i Welte es jonge ongernummer in ins op de duur klopde. Vier verleëze inne markante en biezongere miensj. Henk vier hant same sjun jaore i Welte same moage durch bringe en doa zint vier dich dankbaar vuur. Dankbaar das dich ee deel has oetgemak vaan os leëve.
Henk Dirx de herinnering bliet.
