Herinneren is een vorm van ontmoeten…

In protte sterkte tawinske...
It is in gemis no Piet net mear yn jim midden is...
Fam. van Essen
Grou.

rust zegt

“Kom, do hearst der ek by!” sei Piet. Ik moast der ek by op de foto by in groep kollega’s dy’t mei-inoar in priis wûn hiene foar in analoge útstjoering fan Buro de Vries. Ik hearde net by it winnende team dêr't Piet ek by siet, mar wol by Omrop Fryslân en dus moast ik mei op de foto fûn Piet. Dat wie ien fan de earste kearen dat ik Piet moete. It tekenet him foar my: elkenien hearde der by en hy stie ek altyd foar elkenien klear. Piet hearde echt by de Omrop en de Omrop by Piet. En Piet hearde echt by de minsken en de minsken by Piet. Alle oaren kearen dat ik kontakt mei him hie wiene ek noflik. Bygelyks foar in iepen dei foar de Freonen. “Soest meiwurkje wolle oan de Freonedei?” “Ja wis!” Mar dan moasten we it al efkes kombinearje mei it waarberjocht fan SBS6. Dat wie foar de Freonen fansels net sa’n punt, der wiene genôch dy’t wol meidwaan woene, mei ek it “Oant Moarn!” By beide Freonedagen siet de seal dêr’t Piet syn ferhaal die oan de kop ta fol. Prachtich. As it net foar de Omrop wie, stie Piet likegoed klear. Doe’t ik him by útsûndering ris belle op fersyk fan minsken dy’t him graach mei it waarberjocht by harren evenemint hawwe woene, makke er dêr plak foar (it wie ek wol wat bysûnders). Wat ik ek tige wurdearre is syn ûnthâld wat minsken oanbelanget. Hoe’t er minsken werkende en harren persoanlik begroete. It oerkaam mei sels ek ris doe’t ik midden yn in grutte groep minsken stie by de Profronde fan Surhústerfean. Hy stuts de hân op nei allegearre minsken dy’t wat nei him rôpen en doe werkende er my dêr tusken. Wylst wy inoar noch net iens sa faak moete hiene. Hy begroete my persoanlik en kaam op my ta doe't ik him wonk omdat it lytse famke dat efter my stie graach mei him op ‘e foto woe. Fansels makke Piet dêr efkes tiid foar. Wát in waar(me)man! Wat sil hy troch in soad minsken mist wurde. Mar fansels it aldermeast troch de neiste famylje, freonen en kollega’s dy’t it tichtst by him stiene. In hiel soad sterkte tawinske allegearre!