Semper ta causa dolor di tende cu un amigo a bai sosega. Na nos generacion esey ta tuma lugar cu mas frecuencia cu nos ta desea, pero esey ta bida.
Kelvin tabata basta activo den nos movimiento di basketball, como hungador, pero tambe den e team di proyecto pa duna Aruba Juniors un cancha cubierto. Den e cuarteto ey Kelvin tabata esun mas fastioso, pero esey tabata echt su contribucion, esta pa nos keda skerpi y cu pia bon planta na suela. Usando su experticio den proyectos, su contribucion den e projecten-dossier tabata hopi valioso y su ideanan a contribui cu nos a hanya e finansa necesario pa realisa e bunita proyecto aki.
Kelvin semper a hiba su bida manera e tabata hanya bon y e no tabata transigente pa cambio. Ela hiba su bida manera e letranan di cantica di Paul Anka, cu Frank Sinatra a inmortalisa . . . "I did it my way".
Bo tabata un bon compañero y nos a pasa momentonan hopi ameno pa hopi aña riba canchanan di basket.
Forza na Esther, su yiunan y demas famia,
Tom Pietersz

Semper cu un sonrisa y un bon colega den nos team di trahadonan social-cultural na Osticeba. Kelvin tabatin dedicacion total den su trabou na San Nicolas.
Un teamplayer pa logra projectonan y desaroyonan cu ta uni e bario su habitantenan y organisacionnan. Sosega na pas Kelvin. Bo a laga recuerdonan bunita atras di loke trabou di bario por ofrece na un pueblo.
Consuelo y forsa pa famianan, ex-coleganan y tur cu a conoce y aprecia Kelvin.🕊️

Perdida di un ser keri no ta facil. Na momento di perdida di un ser keri ta surgi un mescla di emocion, di tristesa, di alivio cu e ser keri no ta sufri mas, pero tambe di recuerdonan placentero. Lo tuma tempo pa por procesa y acepta e mescla di emocionnan aki. Nos ta desea Esther, yuinan y demas famia di Kelvin, hopi forsa. Cu Kelvin su alma sosega na paz. Di parti di e famia di WEB Aruba NV.

Rust in vrede mijn vriend en mijn condoleances aan Esther en kinderen, Manuelito Da Silva

Esther, juinan, i rumanan Augustin,
Condolencia i hopi forsa ku ida inespera di Kelvin. E ta sigur den un mihor man.
Hopi forsa.
Celine I Boy