Overlijdensbericht en herinneringsplaats van

Door Huijs-Wijnen

11-11-195103-06-2020
  • 11 november 1951
  • Mart Huijs
  • Tess (Hond)

Door Huijs-Wijnen werd geboren op 11 november 1951. Ze had een relatie met Mart Huijs. Door was getrouwd met Mart. Haar vrije tijd besteedde ze graag aan Tuinieren en Wandelen. De laatste woonplaats van Door was Maasbree.

Door is 68 jaor geleje gebore in Bree, op Rinkesfort as 6de in ‘n gezin van 10.
In eur jeugd spulde ‘t vuül met kinger van Rinkesfort en de Smaäl Baeng, dao is de basis gelag van vrindschappe vur ‘t laeve. Later werke op ‘t boorebedriëf van eur thoës, maar ok oppasse op de kiendjes van de bure. Nao verlaup van tiëd begôs ut oëtgaon met de vriendinne, dao woor get aafgedanst en ok met de vestelaovend woor duchtig gevierd. Toen is ze ok Mart tege gekome, mèt ‘t danse beej van Heijster in Horst met ‘t Vestelaovestreffe. ‘t Bleek ‘nne gôjje klik te zien, en nao ‘n paar jaor zien ze getrouwd en same gaon woëne oppe Breestraot. Dao zien Anneke en Tonnie gebore en ut hoës woor al snel te klein. Ze hebbe toen same ‘n hoës in dörp gebouwd, woë Elke en Bart ‘t gezin compleet mâkde. Ôngertösse boëte ‘t hoëshaoje auk nag tiëd vur anger werk: sperjes staeke, haor knippe, kleijer make en natuurlik eure eige haof, dae môs d’r altiëd schoën beej ligge. Blome ware eur lust en eur laeve, en ze zorgde d'r veur det d'r altiëd wal get in bleùj stông. Wie de kinger groëter ware, waäs d'r miër tiëd öm zich met allerlei anger dinger bezig te haoje: ‘t besteur van de hankbalclub, oppasse op anger kinger, wandele (mèt en sônger hônk), fietse en nag vuül miër… en det altiëd met vuül inzet en noëts öm ‘n präötje verlaege. Praote kôs ze goöd en deej ‘t gaer, maar d'r waäs ok ‘n loesterend oër vur wae det nuüdig heij. Later vloge de kinger oët, kwame de kleinkinger en waäs ze de gruütse oma van 5 kleinkinger. Die kwame toen vort op de 1ste plaats, daoveur woor tiëd gemâk. Oppasse op de kleinkinger en veural vuül vertèlle. De verhaole uvver vruujer die mam iërs vertèlde aan eur eige kinger, wore now doorgegaeve aan de volgende generatie.
Wiës aan de lètste daag van eur laeve is ze det blieve doon: vertèlle…
Vuüls te vruuj is Door van ôs weggegaon. Nag zoevuül te vertèlle, noëts oëtgepraòt, maar nouw is ut stil gewore…
Danke vur alles, weej gaon dich ôntzettend misse…

Biografie
* verplichte velden

Gedenkplaats geopend door:

Stuur de beheerder een e-mail
Tonnie Huijs

Help dit bericht te

verspreiden